सपनीका मिलनहरू

-गीत-
सपनीका मिलनहरू, विपनीमा पाउने भए
पर्खिनु है मेरो हजुर, वरपीपल झैं छाउने भए !
जिन्दगीको गोरेटोमा, एक्लो हिड्न गाह्रो रैछ
साँचो माया लाए पछि बिछोडिन सारो रैछ
नभुल्नु है कहिल्यै पनि, दोहोरीमा गाउने भए
पर्खिनु है मेरो हजुर,वरपीपल झै छाउने भए !

बसेकी छु भेट हुने आशा मनमा सँगालेर
अतीतका पलहरू, मन भरी अँगालेर
यो मनको मेरो हजुर, चोखो माया लाउने भए
पर्खिनु है मेरो हजुर, वरपीपल झैं छाउने भए !
................................................................
© उमा सुवेदी